15 مليون مشاهدة لأغنية خريجة ألحان و شباب رجاء مزيان بعد أيام من صدورها!
عدد المشاهدات يعتبر رقما كبيرا جدا بالنسبة لأغاني هذه الفنانة الشابة ذات الشخصية القوية التي أبت إلا أن تشارك من ديار الغربة في الحراك الشعبي الذي تشهده الجزائر منذ 22 فيفري الفارط بعمل فني جيد يتميز بكلمات قوية وصادمة .
كلمات ألو النظام :
الطوفان راهو جاي . ناضو الزواولة .
الخزينة -à plat- البلاد راها عاطلة، الموس ثقب العظم و طالت بينا الطايلة .
ضربتو التعليم برديتو الجيل و راها سايبة .
société عايبة راها الثقافة غايبة .
الشعب يسوطي في بوطي و انتوما حاسبين تبقو فيها خالدين ، ردمتونا فالحياة ، خليتو الموتى حاكمين ، ضحّكتو عينا قاع الاجناس و بقينا اللخرين .
مازال الناس مالجوع تموت ونتوما زاهيين بولادكم لاهيين ، طلّعتو الحيط في club des pins وراكو مخبيين .
ألف مليار فالريح مشات ومازال طامعين، فالبقرة حالبين ، قسمتو الغلة ومال البترول و راكو مكملين ، علينا عافسين و اليوم مارانا ساكتين ، مارانا خايفين .
جمهورية ...بغيناها شعبية...ديموقراطية ...ماهي ملكية ، الزوالي كواتو كية ، مالكادر راه تقيا ...خطونا يا باندية .
اسمعني مليح يا الشيات قتلك فالرابعة ...غير نساني في خبزك أنا ماني طامعة .
كليتو البلاد يا الحركى و اليوم راهي حابسة ، و بغيتو تزيدو الخامسة .
حسبتو الشبيبة ناعسة خرجنا للزنقة نقولو خلاص وراكم خايفين ، للفوضى حابين ، خسرتو وربحنا هاذ المرة وماكم طالقين .
راكم حالفين ، تخلو البلاد في محنة كحلة وتبدو هاربين
رانا شافيين ، مارانا ناسيين ، مارانا مسامحين...
خدعتو التاريخ و الثورة ومازال كاين شاهدين ، وعليكم حاقدين ...
ان شاء الله ترجع هاذ البلاد و تعودو خايبين .
جمهورية ...بغيناها شعبية...ديموقراطية ...ماهي ملكية ، الزوالي كواتو كية ، مالكادر راه تقيا ...خطونا يا باندية
جمهورية ...بغيناها شعبية...ديموقراطية ...ماهي ملكية ، الزوالي كواتو كية ، مالكادر راه تقيا ...خطونا يا باندية
تحيا الجزائر تحيا بلد المليون ونصف مليون شهيد
ردحذفنبو ترجمة للأغنية باللغة العربية الفصحى
ردحذف